Friday, 1 May 2015

【TRAVEL - AUSTRALIA】Day 4 墨爾本我最喜愛的一日

終於來到我覺得最開心最精彩的一日喇。Day 4嘅行程可以話豐富得來又唔會走馬看花,覺得每個地方都經已細味品嚐,這個tour亦係我最推薦的一個。

今次join嘅係墨爾本旅遊玩家嘅大熱團雅拉河谷酒鄉+丹頓農山區+企鵝島 (+澳洲野生動物園) 三大風景區之一日遊

首先要講,團長Sam真係非常專業,兼且完全具有北京人的風趣幽默的特點,令整個旅程都充滿歡樂。團費方面,我地三月尾去所以係每位AU$200,由朝早9點到夜晚11點半。好似好chur,但其實車程耐果d你都可以喺車度訓,所以都幾舒服,唔會太攰。

行程:雅拉河谷巧克力工廠 - YERING STATION (憶鈴酒莊) - DOMAINE CHANDON(香登酒莊) - 山上小鎮(必吃:Pie in the Sky)- 親近野生鸚鵡 - 乘搭古董蒸氣小火車 - 澳洲野生動物園 - 企鵝島The Nobbie區  - 迎接成群結隊的小小企鵝回家




依間朱古力廠係家庭作坊式嘅,規模唔算好大,但反而因為咁可以睇到成個朱古力生產線嘅運作。


門口有三兜朱古力任食,personally覺得dark chocolate最好食,所以都幫襯左一小袋。

第一間酒莊Yering Station比較local,D酒唔會外銷出國,係一間百年老莊園,細細一間酒莊,除左經營紅酒業之餘,好似仲會利用依個地方進行好多藝術展覽,我參觀依日就見到好多人搬緊d畫作入去。(我都好想生活就係搞下展覽,飲下野,食個cake,睇睇書就一日啊)



跟住參觀第二間酒莊Domaine Chandon,依間就大規模好多,係LV旗下的牌子,所有嘅酒都係會出口㗎。氣泡酒都幾好飲。好易入口。


好大片葡萄園!


雖然唔識酒,但係好鍾意酒莊嘅環境囉!!點解可以咁靚!


 跟住團長就帶我地去左山上一個小鎮度食lunch。原本覺得肉批一定好似喺香港食果d咁好流,所以諗住同男朋友share一個就算,點知食第一啖就決定要買多個,我地好似買左得獎最多果兩款,其中一個好似係mushroom味,另一個牛肉餡,超級無敵好味!個pie一D都唔流,好juicy,仲要係啖啖足料嘅餡,外面層酥皮夠脆同埋唔會太油膩。Must try item!


今次d鸚鵡係上次d三倍咁大有凸,所以我自然行好遠幫男朋友影相。哈哈哈哈哈,我真係好無鬼用!


好鍾意搭依d好古董嘅火車仔,好似係大阪咁,我最期待都係好似依家咁喺山林坐火車。估唔到個火車係咁快,好多人成隻腳坐出去,經過山間小路,揸車d人會同我地揮手(鬼佬真係好熱情,搞到你都會俾佢地感染埋)。




去動物園梗係為左睇袋鼠同埋樹熊啦。樹熊通常會喺樹度唔出來,除非有人影相。點知我地一幫人勁符碌,前面有個韓國人要同樹熊影相,所以將樹熊抱左出來,所以我先可以影到咁近距離無訓覺嘅樹熊。

仲要好得意嘅袋鼠。


重頭戲,睇企鵝由海遊上岸返屋企。

之前去左海邊睇日落。


around 8點,就來到phillip island,據聞當日企鵝會8點9上岸(跟住我就問,點解佢會知佢地上岸時間,團長話:因為佢地有望遠鏡!原來係計出來!)喺海邊坐左一陣,其實睇唔多倒,隱約見到黑色一團團喺沙灘度,跟住我地就按照團長嘅tips,行返頭先來嘅路,跟住停留一陣,你就會見到企鵝喺你腳邊行嘅喇,好得意啊!!!佢地會排隊等齊friend先行,一個跟一個好有秩序。最搞笑係有兩隻企鵝好似行錯路,要經過我地遊客企嘅地方返屋企。在場工作人員就叫我地讓開一條路,俾佢地行過去。

不過為了保護企鵝,我地係唔可以影相,所以如果要睇詳細資料,要去website:http://www.penguins.org.au/

(雖然工作人員不斷重申唔可以影相會嚇親企鵝,但依然好多人開埋閃光燈來影,唉~~)希望大家可以遵守指引,用眼去記低依d美好可愛的畫面就夠了。

No comments:

Post a Comment